تحية الى حزب الله

حية الى حزب الله و الى سماحة الشيخ حسن نصر الله ، و أحى شعب لبنان الصامد البطل من شعب مصر الحقيقى ..
اريد ان أؤكد للجميع ان موقف الحكومة المصرية لا يمثل أبدا موقف شعب مصر الحقيقى و لن يمثل صوت أصغر حشرة فية ، يا ريت تحذفوا كلمة رئيس مصر من قواميسنا العربية و الى حين ، و بدلوها بـ رئيس حكومة عملاء امريكا بمصر لأن مصر منة و منهم بريئة الى يوم الدين و ما فيش اى مصرى شريف يقبل هذة الجماعة الى بتستخدم أرهاب الفكر الى هو ابشع من أرهاب النفس بتاع أمريكا و البلد التانية الى ما تتسماش !
نحن نصدم و نصاب بالخزى كل مرة يخرج علينا عميل أمريكا بمصر بتصريحات و يظهر كأنة العاقل الوحيد الخائف على شعب مصر ، .. يا عنيــا !! انت فين و شعب مصر فين .. خايف على مين بالضبط يا عم العقلين ، هو انت الوحيد الى عارف احوالنا و حامى حمى الوطن ! يعنى كل شعب مصر من علماء و مفكرين و سياسيين و شيوخ و شباب محدش فيهم مالى عنيك ، انت عارف حاجة عن مصر احنا مشعرفنها و لا اية .. ؟
معندناش فلوس ... مانتا السبب ، انت و عصابتك و قبلك السادات كان شفطها .. بس برضة أحنا حنعيش مهما خسرنا و اتنهبنا ،
معندناش جيش .. ما أنت الى خربتة و ضعفتة و رشيت قياداتة ... يا راجل هو فية قائد جيش و لا عسكرى او ضابط دلوقتى ما بيقسمش انة يحميك !!
الى حصل و بيحصل فى لبنان ما بيحسسكش بالعار و بالكسوف ؟ ، حزب الله بسلاح الخمسينات و لا حتى الستينات بيحارب رابع قوة عسكرية الى مدعومة من أمريكا كمان !
حزب الله معاه أيران و لا سوريا .. الأولنية مسلمة و التانية مسلمة عربية ، أمــال أحنـا ايــة ؟ أمريكان و يهود .. محنـا برضة عرب و مسلمين .. أية يا عم فـوق و صحصح ، و لا الكلمتين الأنجليزى الى عارفهم ناسوك أصلك ..الله يرحم أبوك عرف الدش فى الطولة .. و كان فاكر الهمبورجر رقصة شـعبـيـة !!
انت فاكر أن طبيعة الأرض هى الى مخلية لبنان صامد ، لا يا باشا فى حاجة تانية بس انت مشعرفها . اسمها
الكرامة و الشرف و العرض و الأرض ، تسمع عن الحجات دى ؟؟ و لا اية يا عم العقلاء ...حامى حمى الأوطان !!
يا أخى فكر فى أحفادك حيفتكروك بأية ، انت فاكر حرب أكتوبر حتكون لسة بيدرسوها و أن اسمك مكتوب فى تاريخها .. يا عم صلى على النبى .. عاش الملك مـات الملك .. حتى و لو جبت ابنك جمى ريس علينا بكرة يخلوه مناضل و بطل حرب ماحدش شافها و ينسوك و يدنسوك لو العملية تسمح .
يا عم العقلاء و حامى حمى الأوطان .. اصحى بأة و حس بينا و بالعالم الى حوليك .. دنـتا خربتها و بعت شعبها !
منعت العسكرية فى المدارس و الجامعات ، و خليت شبابنا يمارس الشت شـــات !
عاوزة بورصة ..و رقصة ..و هــابشــة ، و سديت بقـنـا عن أى صرخة !
خلتنا ننسى تاريخنا المليان كرامة و كفاح .. و شجعتنــا على العولمة و الأنفتاح
جبتلنا عز و زكريا و أبو العنين و بكرة يا عالم حتخربهـا منيــــــن
يا عم العقلاء و حامى حمى الأوطان.. شعبك حصانك ان صنتة صانك و ان خنتة .... نـــا ؟؟